"Екі жұлдыз" жобасы
«Екі жұлдыз» байқауының сценарийі
Жүргізуші Айзат
Армысыздар, құрметті ұстаздар, оқушылар және қонақтар!
Қырандай қалықтап, әсем әнмен шарықтап, Қазақстанды аралап, өнерліні жағалап, микрофонды тоздырған «Екі жұлдыз» байқауы міне біздің де мектепке келіп жетті.
Жүргізуші Баян
Қазақ халқы қашанда өнермен өнерпазға кенде болмаған ғой. Ал, ән әлеміндегі жұлдыздарымыздың орны бөлек. Аспан әлеміндегі сан жұлдыздың жарқырай көрінуі – бағының жанып, бабының келіскені деп ұғамыз. Олай болса, бүгінгі «Екі жұлдыз» жобасының 1 кезеңіне хош келдіңіздер!Ендеше жұптарды ортаға шақырмастан бұрын бүгін осы жұптарды номинация бойынша марапаттайтын және кімнің нағыз жұлдыз екенін шешетін адам керек емес пе? Ондай болса, ең алдымен қазылар алқасымен таныс болайық:
Жүргізуші: Айзат
Мектебіміздің басшысы,қазылар алқасының төрайымы Букабаева Гулшат Сейдоллақызы
Жүргізуші Баян
Директордың оқу-ісі жөніндегі орынбасарлары, бізге жол көрсетер мотиваторларымыз өз пәндерінің нағыз мамандары Кенжегүл Махметқызы мен Эльмира Унласунқызы
Жүргізуші Айзат
Өнерге жаны құмар ұстаздарымыздың бірі Динара Жанатбекқызы
Жүргізуші Баян
Директордың тәрбие ісі жөніндегі орынбасарлары, өнерге жаны құштар ұстаздарымыз Айгүл Абдрахманқызы мен Индира Алтынбекқызы
Ал енді күміс көмей жез таңдай жарқыраған жұлдызды жұптарды ортаға шақырайық
1) 5а сыныбы Надира Маратқызы және оқушысы Алтынбекова Іңкәр
2) 5б сыныбы Шынар Мырзағалиқызы мен оқушысы Әсетқызы Кәусар (қол шапалақтап отырыңыздааар!)
1) 5в сыныбы Самат Адымұлы және оқушысы Сұлтан Іңкәр
2) 6а сыныбы Жансая Сейтекқызы мен оқушысы Ерғали Абдулалим
1) 6б сыныбы Биахмет Мейрамұлы мен оқушысы Майдан Жансая (қолдау көрсетіңіздеееер!)
2) 7б сыныбы Бағдат Қыдырбекқызы және оқушысы Бекмұрат Айгерім
1) 7в сыныбы Нұржан Оразбекұлы мен оқушысы Садықан Кәусар
Жүргізуші
Құрметті қатысушылар жеребие арқылы кезектеріңізді таңдап алсаңыздар.
Бәріңізге сәттілік тілей отыра, сахна сыртына шығарып саламыз. Жәнеде айта кететін ереже қазылар алқасы беретін бал әр қатысушы санына тікелей байланысты яғни бүгін 8 жұп бақ сынап жатса тек 4-10 ұпай аралығында болады.
Жүргізуші Баян
Иә! Әр әділ алқаларымыз бірінші жұпқа қойған ұпайды екінші рет қоя алмайды. Ал оқушылар мен басқада мұғалімдер дүйсенбі күннен бастап мектепшілік дауыс беруге болады.
(Бірге)Ал ендеше ЕКІ ЖҰЛДЫЗ жобасын БАСТАЙМЫЗ
1)Ал, жұптар бүгін жұлдыздарыңыз жана берсін дей отырып, сіздерге сәттілік тілейміз Өнер десе, қанатын өрге сүйрететін өнерпаз алғашқы жұпымызды ортаға шақырамыз
Жүргізуші
2)Сонымен келесі жұбымыз күндей күлімдеп,ажарланған күйі қошеметпен ортаға шақырамыз. Өнер десе ішкен асын жерге қоятын өнерпаз жұптарымызға қол соғып, қошеметтеріңізді көрсетіп отырыңыздар! Рахмет!
Жүргізуші
3)Өнерінің күшімен, микрофонның ұшымен сіздерге әсем әндерін арнайтын келесі жұбымыз
Жүргізуші
4)Құрметті көрермендер, қадірменді қонақтар, қошемет көрсетіп, қол соғып отырсаңыздар. Талай күнгі кештерін сарп еткен, еңбектерін көрсеткелі тұрған келесі тағы бір өнерпаз жұбымыз
Жүргізуші
5)Қазақ қонақ келсе төрге,
Әнші келсе өрге,
Аққу келсе, көлге сүйреген, халық қой. Ендеше, жұптасқан аққудай келесі жұбымызды қошеметпен ортаға шақырайық
Жүргізуші
6)Өнерпаз боп ән айтқан,
Ән айтқанда, таңға айтқан,
Таңға айтқанда, жанды айтқан – демекші, жанды дауысты келесі жұпты қарсы алыңыздар
Жүргізуші
7) Өздері бір керемет ерекше, өнерге жақын тағы бір жұбымызды ортаға шақырамыз
Жүргізуші
8)Мына киелі сахнаның орны бөлек. Мұнда кез – келген адам шыға бермейді. Тек «ұялмаған әнші болады» дегендей, халық алдына шыққанда ұялмайтын, арқасын кеңге сала білетін, өнерден хабары бар, талантты, әрі өнерпаз адамдар ғана шығады. Сондай талантты жұптарымыздың бірі
Жүргізуші
9)Әнмен маржан өретін
Өнерін халқым көретін,
Жұптасып бізге ән айтып беретін, келесі дарынды жұбымыз!
Жүргізуші
1-ші кезең аяқталмас бұрын тамаша бір би қабыл алыңыздар
Жұптарымызды ортаға қошеметпен Қарсы алайық!
Ондай болса, Жарқыраған жұлдыздардың осымен жұмысы аяқталды ендігі кезек әділ қазылар өздеріңізде, әділ ұпайларыңызды қойып жіберсеңіздер!
Жүргізуші
Ендеше қазылар алқасының бір ауыз сөзін тыңдайық. (Қазылар алқасы өз пікірлерін айтады)
Жүргізуші
Қазылар алқасы, пікірлеріңізге көптен көп рахмет! Сіздердің сөздеріңіз жұптарға күш береді деп үміттеміз. Енді жұптар екінші бөлімге үй тапсырмасы МҰҚАҒАЛИ МАҚАТАЕВАТЫҢ СӨЗІНЕ ЖАЗЫЛҒАН ӨЛЕҢІН ДАЙЫНДАУ БӘРІНІҢІЗГЕ Рахмет КЕЛЕСІ АПТАДА ДӘЛ ОСЫ КҮНІ, ДӘЛ ОСЫ УАҚЫТТА КЕЛСІ КЕЗДЕСКЕНШЕ ХОШ САУ БОЛЫҢЫЗДАР!
«Екі жұлдыз» жобасының бағалау парағы
№ | Топ мүшесі Сыныбы | Сыр келбет, киім кию үлгісі | Актерлік шеберлік, сахна мәдениеті | Ән айтудағы бір-бірімен үйлесімділігі,қолдаулары | Қорытынды бағалау | ||
Мұғалімнің орындау шеберлігі | Оқушының орындау шеберлігі | ||||||
1 | |||||||
2 | |||||||
3 | |||||||
4 | |||||||
5 | |||||||
6 | |||||||
7 | |||||||
8 | |||||||
9 | |||||||
10 | |||||||
11 | |||||||
12 | |||||||
Әділ-қазы мүшесінің аты-жөні | |||||||
