2 тоқсан қорытындысы

Оқу-тәрбие жоспарын орындау және Қазақстан Республикасының «Білім туралы» Заңын орындалуын жүзеге асыру мақсатында мектепте 2022-2023 оқу жылының                 2 тоқсанында аталған жұмыстар жүргізілді.

     1-11 сыныпта 25 сынып және мектеп алды даярлық тобымен 25+1 жасақталды. 

1-11 сыныптар аралығындағы  қозғалыс:

      Оқу жылының 2 тоқсан басында – 339 / 172 (келді 5/2,  кетті 8/5)   2 тоқсан соңында 336/ 169. 

Білім сапасы:   Оқу озаттары мен оқу екпінділері туралы мәлімет: оқу озаты 51/35, оқу екпіндісі 138 /84, білім сапасы 59,6 %   / 74,8%.Буындар бойынша тоқталсақ:

      2022-2023 оқу жылының  1 тоқсаны мен 2 тоқсанының қорытындысының салыстырмалы білім сапасы туралы мәліметі төмендегі кестеде көрсетілген: 

 2022-2023 оқу жылының 1 тоқсандағы білім сапасымен салыстырғанда 3,9% /6,7 %-ға жоғары көрсетті.  

Оқу-тәрбие жоспарына сәйкес «Тілдер» айлығына арналған іс-шаралар өткізіліп, қорытындысы шығарылды. «Ақ желкен» және «Алгоритм» әдістемелік бірлестігінде   ашық сабақтар фестивалі өткізіліп бірлестік мұғалімдері өз тәжірибелерімен бөлісіп зерттеу сабақтарын берді.  «Сергек» және «Шежіре» әдістемелік бірлестігінде «Тұғыры биік Тәуелсіздік» тақырыбында апталық өткізілді. Апталық барысында тәуелсіздікке арналған іс шаралар ұйымдастырылып, қорытындысы шығарылды.  

Мектепішілік   бақылау бойынша  ерекше білім беруге қажеттілігі бар білім алушылармен жұмыстың жүргізілуі  және үлгерімі төмен білім алушылармен жүргізілген жұмыс бақылынып қорытындысы бойынша анықтама жазылды. Білім алушылардың жұмысын, жетістіктерін, эмоционалдық және психологиялық көңіл-күйін, оқыту әдістемесін бақылау мақсатында зерттеу сабақтары өткізілді. Зерттеу сабақтарында пән педагогтерінің әліде зерттеу тақырыптарының аша алмауы, шатасудың болуына назар аудару кереек.  Сонымен қатар   1-11 сынып білім алушыларының жас ерекшеліктеріне сай даму үрдістерінің деңгейі мен эмоционалдық өрісін бақылау және 5-сынып білім алушыларының  орта буынға бейімделуіне бақылау жасалды. Жоспарға сәйкес білім алушылардың дәптерлерінің тазалығы, жазба жұмыстарының нормаларының сақталуына бақылау жүргізілді. Ал, PISA, PIRLS, TIMSS негізделген тапсырмалардың сабақта қолданылуы бойынша жалпы бақылау жасалды, нақты тақырыптық бақылау                              3-4 тоқсанда жүргізіледі. Қазір бұл жұмыстар тек 4 сыныптарда арнайы бума басталған бірақ жұмыстары толық емес болса, 8, 9 сыныптарға сабақ беретін пән педагогтері ҚМЖ-да арнайы тапсырмаларды көрсетпейді.  

2022-2023 оқу жылындағы білім алушылардың өткен оқу жылындағы біліміндегі олқылықтардың орнын толықтыру және жаңа оқу жылына арналған оқу бағдарламасындағы оқу мақсаттарының меңгерілуін қамтамасыз ету бойынша жұмыстар жүргізілуде. Өткен оқу жылдарындағы біліміндегі олқылықтардың орнын толықтыру бойынша 2-11 сыныптардан кіріс тест алынып нәтижесі шығарылды.  Олқылықпен жұмыс оқу жылы барысында әр тоқсан сайын жоспарланып білім алушылармен нақты жұмыстар жүргізілуі керек. 

Байқаулар: Аудан көлемінде өткізілген «Әдістемелік сандықша-2022» байқауында  логопед Д.Чинкисбаева жүлделі 2 орын, әлеуметтік педагог Д.Абаева бас жүлдені иеленіп,  облыстық кезеңде 1 орын алды. Жалпы пән педагогтерінің өткізілетін байқауларға жауапкершіліктерін арттырып, өз деңгейінде қатысып, нәтиже көрсетті. Ал жоспарланған «Үздік бастауыш сынып-2022» байқауы өткен жоқ. Себебі «Ақ желкен» бірлестігі  былтырға байқаудың нәтижесі бойынша аудандық байқауға С.Мухалаева қатысса деген өз ұсыныстарын айтты. Бірақ егер жаңашылдыққа ұмтылып, өз бастамаларын көтеріп отыратын ұстаздар қазіргі қоғам сағат, күн  сайын жаңарып отырғанын ескерсек мұндай сылтау айтпау керек деген сұрақ туындайды! 

Пән олимпиадалары мен байқаулар: 

Қарашоқы орта мектебі бойынша «Дарын» республикалық ғылыми-практикалық  орталығының үйымдастыруымен өткен 5-6 сыныптарға арналған жалпы білім беретін пәндер республикалық олимпиадасының мектепішілік кезеңіне 5-6 сынып оқушылары түгел қатысты. 

Мектепішілік кезеңінің қорытындысы бойынша аудандық кезеңге 9 білім алушы қатысты.

Алдағы уақытта облыстық, республикалық кезеңнің нәтижесі шығарылады. 

Жалпы білім беретін пәндер олимпиадасының мектепішілк кезеңі өткізілді. Пәндер бойынша 1 орын алған 16 білім алушы аудандық кезеңге қатысады. 

 «Айқанат» республикалық олимпиадасына 8а сынып білім алушылары Н.Әлібек пен С.Қалық аудандық кезеңінен өтті.  

Қорытынды аттестаттау. 9 сыныпта-31 білім алушы, 11 сыныпта -24 білім алушы. Оқу жылының басында мектепішілік бұйрық шығарылып, жауапты пән мұғалімдері бекітіліп, іс шаралар жоспары жасалынды. Қорытынды аттестаттау бойынша дайындық жұмыстары жүргізілуде. Пән мұғалімдері әр балаға сараптама-мониторинг жүргізіп, нәтижесіне бақылау орнатып отырса, қорытынды аттестаттау бойынша бақылау, сынама тест жұмыстары алынды. Білім алушылармен ата-аналармен жиналыстар өткізілді. Алдағы уақытта жоспарланған жұмыстар өз деңгейінде жүргізілуі керек.

Pisa, Pirls, Times: Биылғы «Мектептерге арналған PISA»-халықаралық зерттеу жұмысына Қарашоқы орта мектебі іріктеліп алынды. Зерттеу жұмысы кесте бойынша              30 қарашада өтті. «Мектептерге арналған PISA»-PISA (ЭЫДҰ) негізіндегі мектептерге арналған тестілеу. Мектептерге арналған PISA деген не? бұл ЭЫДҰ әзірлеген, оқушылардың дағдыларын бағалауға және мектеп/колледж әкімшілігіне 15 жастағы оқушылардың сыни ойлауын, өз білімін жаңа мәнмәтіндерде іскерлікпен қолдана алуын түсініп талдауға көмектесетін бағдарлама. Бағалау бағыты:  Оқу, математика, жаратылыстану. Әлемнің 14 елі Мектептерге арналған PISA-ға қатысты.  Жалпы зерттеуге  15 жас 2 ай 16 жас аралығындағы білім алушы іріктеліп алынса, оның нақты 25  білім алушы зерттеуге қатысты, нәтижесі алдағы уақытта шығарылады. Облыстық, аудандық білім бөлімі тарапынан облыстық оқу әдістемелік бөлімінен дайындық бойынша тексеру жұмысы жүргізілді. Тексеру барысында жұмыс нәтижесі оң болды. Жұмыстың өз деңгейінде өтіп, дұрыс ұйымдастырылғаны үшін Қарашоқы орта мектебіне «Алғыс хат» берілді.

Рейтинг. 2 тоқсанның  аяқталуына байланысты  мектепішілік бұйрық шығарылып, сынып жетекшілер оқушылар қозғалысын, пән мұғалімдері тоқсан қорытындысы бойынша есеп өткізді. Кейбір әріптестер ешқандай жауапкершілік танытпай өз жұмыстарын көрсеткен жоқ. 2 тоқсанның  аяқталуына байланысты алынған есептер бойынша қорытынды бұйрық жазылады, ескертулер беріледі. (есеп орындалмаған жағдайда) 

Журнал тексеру. Тоқсан барысында күнделікті электронды журналдың жүргізілуі тексерілді. Тексеру нәтижесінде кейбір мұғалімдер салғырттық танытып, ескертуден кейін толтырып отырды. 

Пән мүғалімдерінің іс-тәжірибелерінің таратылуы. 2022-2023 оқу жылында пән педагогтерінің іс тәжірибелерін тарату жоспарланған.

«Атамекен-ай»  республикалық журналына   45 педагог өз жұмыстарын берді.

Жазу реттеу

Алдағы міндеттер:

1.  Lesson stadu зерттеу сабақтарын  өткізу
2. Білім сапасын көтеру, білім алушылардың функционалдық сауаттылығын        арттыру.
3. Мектепішілік бақылауды күшейту. 
4. Қорытынды аттестаттау бойынша жұмыстарды жүргізу, сараптама жасау.
5. Электронды журналдың жүргізілуін бақылауға алу.

Дайындаған: К. Махмет – директордың оқу жұмысы жөніндегі орынбасары