Математика пәнінің педагогіне бос жұмыс орнына қабылдау конкурсын өткізу туралы

Жетісу облысы, Кербұлақ ауданы, Қарашоқы орта мектебі коммуналдық мемлекеттік  мекемесіне 2024-2025 оқу жылына математика пәнінің педагогі  бос орнына  жұмысқа қабылдау бойынша конкурс «Enbek. Kz» сайтына жарияланғанын хабарлайды!    

Конкурстың өтілуі туралы мәлімет:                                                               
 
 

Орналасқан жері- Жетісу облысы, Кербұлақ ауданы, Қарашоқы ауылы,  И.П. Надбережный  көшесі № 1A

Электрондық- мекен -жайы karashok_sh@mail.ru
 Байланыс телефоны-8 (728) 429 69 53
 Бос орын: математика пәнінің педагогі- 2 бірлік (32 сағат)
 Еңбек мөлшері : 160 000-230 000 теңге көлемінде
 
 

 Конкурсқа Педагогтердің үлгілік біліктілік сипаттамаларына сәйкес келетін және осы Қағидалардың 118-тармағында көрсетілген тізім бойынша құжаттарды ұсынған педагогтер қатысады.  

 118-тармақ: Конкурсқа қатысуға ниет білдірген адам хабарландыруда көрсетілген құжаттарды қабылдау мерзімінде келесі құжаттарды электрондық немесе қағаз түрінде жолдайды:
       1) осы Қағидаларға 10-қосымшаға сәйкес нысан бойынша қоса берілетін құжаттардың тізбесін көрсете отырып, Конкурсқа қатысу туралы өтініш;
       2) жеке басын куәландыратын құжат не цифрлық құжаттар сервисінен алынған электронды құжат (идентификация үшін);
       3) кадрларды есепке алу бойынша толтырылған жеке іс парағы (нақты тұрғылықты мекенжайы мен байланыс телефондары көрсетілген – бар болса);
       4) Педагогтердің үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
       5) еңбек қызметін растайтын құжаттың көшірмесі (бар болса);
       6) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген нысан бойынша денсаулық жағдайы туралы анықтама (Нормативтік құқықтық актілерді мемлекеттік тіркеу тізілімінде № 21579 болып тіркелген).
       7) психоневрологиялық ұйымнан анықтама;
       8) наркологиялық ұйымнан анықтама;
       9) Ұлттық біліктілік тестілеу сертификаты (бұдан әрі – ҰБТ) немесе педагог-модератордың,  педагог-сарапшының, педагог-зерттеушінің, педагог-шебердің біліктілік санатының болуы туралы куәлік (болған жағдайда).
       10) 11-қосымшаға сәйкес нысан бойынша педагогтің бос немесе уақытша бос лауазымына кандидаттың толтырылған Бағалау парағы.
 Педогогқа қойылатын талаптар:
 -Білімі: жоғары; Санаты:педагог-сарапшы
 -Мамандық бойынша: математика пәнінің педагогі

Құжаттарды қабылдау мерзімі конкурс өткізу туралы хабарландыру соңғы жарияланғаннан кейін келесі жұмыс күнінен бастап есептеледі.

Конкурсқа өтініш пен құжаттарды қабылдау: 23-28.08.2024ж

Құжаттарды қабылдау отырысы:   түйіндеме берілген күннен 5 күн жұмыс ішінде