Жалпымектептік ата-аналар жиналысының хаттамасы

Өткізілген күні 16.08.2022 жыл

Қатысқандар: 1-11 сынып білім алушылардың ата-аналары (заңды өкілдері), мектеп әкімшілігі, сынып жетекшілері

Күн тәртібі: 1.Ата-аналарға жаңа оқу жылындағы оқыту форматына байланысты енгізілген өзгерістермен таныстыру. К.Букабаева

2. ҚР Үкіметінің 2008 жылғы 25 қаңтардағы №64 қаулысына  енген өзгерістермен таныстыру. Д.Абаева

3. Бала қауіпсіздігі. А.Жаинбаева  

1.Тыңдалды: К.Букабаева мектеп директоры

Ата-аналарды жаңа оқу жылындағы оқыту форматына байланысты енгізілген өзгерістермен таныстырмастан бұрын, жаңа оқу жылының басталуымен құттықтап, ізгі тілектерін айтты. Жаңа оқу жылында білім алушыларды оқытудағы біренше ерекшеліктер бар, нақты атап айтсақ, оқу жылының ұзақтығы 1-сыныптарда 35 оқу аптасын, 2-11 сыныптарда – 36 оқу аптасын құрайды. Жалпы бір күнтізбелік жылда:

демалыс күндері-117, демалыс және мереке күндері - 75 күн, оқу күндері-173, білім алушылар үшін демалыс күндерінің жиыны-192 күнді құрайтындығын айтты.

 1 сыныптар үшін Үлгілік оқу жоспарындағы өзгерістер туралы айттып кетті.

- оқыту қазақ тілінде жүргізілетін мектептердің 1-сыныбында «Әліппе» және «Ана тілі» пәндері,   қазақ тілінде оқытпайтын мектептерде – «Букварь», «Обучение

грамоте» және «Қазақ тілі» пәндері оқытылады.  «Өзін-өзі   тану»  пәні  Үлгілік   оқу  жоспарының  инвариантты компонентінен шығарылды.  «Көркем еңбек» пәні 1 сыныпта екі пәнге бөлінді: «Еңбекке баулу» және «Бейнелеу өнері». Онымен қоса:

- Білім алушылардың білімдеріндегі олқылықтардың орнын толықтыру

- Үлгерімі төмен білім алушылармен жеке жұмыс жүргізуді ұйымдастыру

- Ерекше  білім   беруді  қажет  ететін   білім  алушыларға  оқу бағдарламаларын бейімдеу

- Ерекше  білім   беруді  қажет  ететін   білім  алушыларға  тиімді психологиялық-педагогикалық қолдау көрсету

- Білім  алушылардың   білім  жетістіктеріне  мониторинг   жүргізу (4, 9 сыныптар)

- «Алтын белгі» белгісіне үміткерлер үшін білім алушыларды қорытынды аттестаттаудан өткізу тәртібіне өзгерістер енгізу

- Халықаралық  пәндік  олимпиада   жеңімпаздары  мен  олардың педагогтеріне бір реттік ақшалай сыйақы беріледі

- 5-11-сыныптар аралығында «Жаһандық құзыреттер» таңдау курсын оқытуды жалғастыру

- Ұлттық құндылықтар негізінде мектептің мәдени ортасын қалыптастыру

- Балалар жылына арналған іс-шараларды өткізу

- «Оқуға құштар мектеп», «Дебат қозғалыстары», «Мектеп парламенті»,

«Балалар және театр» «Жылыжайлар» және т.б. жобаларын іске асыру

- «Мектеп-ата-ана консилиумы» мектеп-ата-ана қарым-қатынасының жаңа форматын енгізу

- Ертеден кәсіптік бағдар беру жұмыстарын жүргізу

- Педагогтерді жұмысқа қабылдаудың жаңа ережелерін енгізу

- Аймақтарға үздік педагогтерді тартудың арнайы бағдарламасын енгізу

- «Тірек мектебі – магнитті мектептер» кешені», «Виртуалды мектеп», «Цифрлық сауаттылық» пилоттық жобаларын енгізу туралы таныстырып шықты.

Мектеп жарғысының 19 пункті бойынша мектеп оқушыларының киіміне, ішкі әлпеттеріне  қойылатын  талаптар туралы оқып таныстырды. Жоғарғы жағы ақ, төменгі жақта қара көк түсті болуын айттып  ескерттік.

Сөйлегендер:

С.Еркебаева 3,6,7 сынып білім алушылардың анасы

Құрметті жиналысқа қатысып отырған ата-аналар, мектеп ұжымы барлықтарыңызды жаңа оқу жылының басталуымен құттықтаймын! Деніміз сау болсын бәріміздің. Жаңам оқу жылында бірқатар өзгерістер еніп жатыр екен, оқитын күнімізден, демалатын күндеріміз көбірек екен, сондықтан да екі аптаға ұзарған күндері дұрыс деп есептеймін. Мектеп формасын жылда айтып ескерттеді біздерге, бірақ ата-аналар көбіне мән бермейді, балаларына шектеп тыс қымбат немесе тым қысқа, ашық кофталар алып беріп жатады. Алдын ала хабарлап айтып жатқандарыңызға рахмет. Өзімнің балаларымды мектепке толық дайындап қойдым деп сөзін аяқтады

Қалиева Әйгерім 2,5  сынып білім алушыларының ата-анасы

Жаңа оқу жылындағы ерекшеліктер туралы «Мектеп-ата-ана консилиумы» мектеп-ата-ана қарым-қатынасының жаңа форматын енгізу және ертеден кәсіптік бағдар беру жұмыстарын жүргізу бүгінгі күннің өзекті мәселесі екені анық. Сондықтанда бұндай бастамаларды қолдаймыз деп, балаларының мектепке келуге дайын екенін мәлімдеді.

Қаулы етті: Жаңа оқу жылындағы барлық талаптармен, өзгертулермен таныстып қолдады және алдағы уақытта назарда ұстауға басқа ата-аналар да келісті 

Шешімі:

1. Жаңа оқу жылындағы барлық талаптар мен өзгертулер назарға алынсын.
2. Тыңдалды Д.Абаева әлеуметтік педагог

 «Мемелекеттік білім беру ұйымдарының мемлекеттік атаулы әлеуметтік көмек алуға құқығы бар отбасылардан, сондай-ақ мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан білім алушылар мен тәрбиеленушілекріне және жетім балаларға, ата-анасының қамқорлығынсыз қалып, отбасыларда тұратын балаларлға  және өзге де санаттағы білім алушылар мен тәрбиешілерге қаржылай және материалдық көмек көрсетуге бөлінетін қаражатты қалыптастыру, жұмсау бағыты мен оларды есепке алу қағидаларын бекіту» ҚР Үкіметінің 2008 жылғы 25 қаңтардағы №64 қаулысына  енген өзгерістермен таныстыру мақсатында осы қаулыны оқып таныстырды. Онда 3-тармақта мынадай редакция жазылған делінді:Материалдық көмек көрсетуге бөлінетін бюджет қаражаты:

• Киім, аяқ киім, мектеп-жазу керек-жарақтарын сатып алуға;
• Білім беру ұйымында болған кезеңде бір реттік тамақтандыруды ұйымдастыруға;
• Қаржылық көмек көрсетуге;
• Мәдени-бұқаралық және спорттық іс-шараларға қатысуға;
• -жалпы білім беретін пәндер бойынша қосымша сабақтарды ұйымдастыруға бағытталағандығын айтты.

5-тармаққа тоқталып, жоғарыда көрсетілген санатқа жатқызылған білім алушылар мен тәрбиеленушілердің білім алу кезеңінде қаржылық және материалдық көмек алу құқығы білім беру ұйымына құжаттар ұсыну арқылы оқу жылында бір рет расталатындығын ескертті.   Бұл қаулы 8-тамыз күні қабылданған, ресми жарияланғаннан кейін күнтізбелік  он күн өткен соң қолданысқа енгізіледі деп түсіндірді. Биылғы оқу жылында аудагндық білім бөлімі бұл өзгерістер енгізілмей тұрғанда жылдағыдай мердігерлерге тапсырыс беріліп қойғандықтан, мектеп формасы, кофта, аяқ-киім, сөмке, құрал-жабдықтар берілетіндігін ескертті. Ал, келесі жылындан бастап ол қаражат (37889 теңге) ата-аналар шотына түседі, ал та-аналар нысан бойынша өтініш толтырып,   қаражаттың мақсатты жұмсалғаны туралы білім беру ұйымына құжаттамаларымен ( төлем туралы түбіртек, чектер, фото) расталатындығын айтты.

Сөйлегендер: А.Хакимова 6,8,10 сынып білім алушылардың анасы

Теледидардан бұл жаңалық туралы естідік. Барлығын нақтылап түсіндіріп бергендеріңіз үшін рахмет.  Негізі ЖБББҚ-беріліп жүрген киімдердің де сапасы жақсы болатын, себебі бір оқу жылында өзімнің қызым да алған. Ал, енді ол ата-ананың шотына түсіп, балаға жұмсайтын болса, тіпті  жақсы болған екен деген қуанышың да жасырмады. Балаларының барлығы мектепке дайын деп  хабарлады.

Жиыналысқа қатысушы ата-аналар №64 қаулыға енген өзгерістер туралы толыққанды түсінгендерін және  биылғы берілетін көмектің товар түрінде көрсетілетіндігіне қарсы еместіктерін мәлімдеді.

Г.Естемисова көп балалы ана

Қазіргі ата-аналардың басым бөлігі жастар, №64 қаулыны әр қайсысымыз, өзіміз электронды танысып алуға да болады. Себебі бәрімізде интернет қолжетімді. Бірақ, бүгін бізге түсіндіріп айтып жатыр. Сондықтан да мектеп ұжымына рахмет айта отырып, жаңа оқу жылымен құттықтады. Мен де пандемия кезінде ЖБББҚ-ы есебінен балама қыстық киім алғанмын. Әрине, ол ата-анаға үлкен көмек болды, сапасы барлығы жағынан ұнады. Кейде өзіміз қалаға баруға жағдай болмай, осы ауылдағы дүкендерден де ала саламыз. Сапасына қарауға, таңдау жасамай соны да киіп шығамыз. Соңғы кездері әрбір ата-ана балаға таза, ұқыпты киюді үйрету керек деген көбірек, жүрген жерлерде айтып отырамын. Себебі қазір бәрі қолжетімді, бір балада бірнеше аяқ киім түрлері бар, ұнағанын ауыл болсын, қала болсын ала алады. Ал, Бұрын біздерде ондай мүмкіндіктер жооқ болды. Біздер кез келген нәрсенің қадірін білетін едік. Ал, қазіргі балалар ешнәрсенің қадір білмей , жалқау болып өсіп келеді. Сондықтан да кез келген балаға еңбек етуді, тегін келген  дүниенің қадірін білуді үйрету керекпіз деп аяқтады сөзін

Шешімі:

1.  ҚР Үкіметінің 2008 жылғы 25 қаңтардағы №64 қаулысына  енген өзгерістер назарға алынсын.
2. Тыңдалды А.Жаинбаева директордың тәрбие ісі жөніндегі орынбасары

«Бала қауіпсіздігі»  туралы статистикалық мәліметтер берді. Жыл сайын
 500-ден астам бала төтенше жағдайлар салдарынан, оның ішінде суға бату, өрт, электр тогының соғуы,  тамақтан улану, аттракцион  техникасының бұзылуы және т.б  салдарынан көз жұмады. Балалардың  жол көлікжарақаттары  мен олардың   өлімінің деңгейі төмендемей отыр. Жыл сайын еліміздің жолдарында 200-ге жуық  бала көз жұмып, 3-мыңнан астам бала жарақат алады. Жазғы кезеңнің жақындауына байланысты
 аттракциондар мен баттуттарға балалар көп барады. Сол кезде техникалардың тозғанынына байланымты әртүрлі қайғылы оқиғалар болып жатады. Осының бәрін ескерілсе екен дейміз. Шомылу маусымы басталған кезде ата-аналар өздерімен бірге балаларды апарады да, балаға қарамайды. Қазір таңда шомылу маусымы аяқталды, сондықтан көлге түсуге болмайтындығын ескертті.  Соның салдарынан оқыс оқиғалар орын алып жатады. Қайда, қалай барса да, ең бірінші баланың қауіпсіздігіне баса назар аудару керектігін ескертті. Жазғы демалыс кезінде жасөспірім балаларды қалаға туысқандарына жұмыс жасауға жібересіздер, басқа қалаға қыдырып бару, көршіге тастап кету, досының үйіне қонуға жіберер кезде, ата-ана бала алдындағы жауапкершілігін естен шығармау керек. Ондай жағдайларға жібермей, үнемі баламен бірге болып, баланың қауіпсіздігіне жауап беретіндеріңізді, бала алдындағы міндеттеріңізді ұмытаңыздар деп ескертті. 

Қазір әрбір үйде мотоцикл, көлік түрлері бар екені өтірік емес, бірақ сол көліктерге қолында жүргізуші куәлігі жоқ баланың отыруына рұқсат бересіздер. Рұқсат бермес бұрын өзінің өмірімен қоса басқа бір адамның өміріне қауіп төндіретіндігін ескере бермейсіздер. Мотоцикл және қандай да бір көлік түрін басқаруға қатаң тыйым салынатындығын ескертті.

Ауылдағы футбол стадионына кешкі сағат 21-00-ден кейін тек ата-анасымен бірге баруды ескертті. Себебі түнгі мезгілде ол жерде ауыл жастары ойнайды. Сондықтан алаңның бос болмағандығынан баланың уақыты босқа өтетіндігі еске салыңды. Кешкі мезгілде 21-00-ден кейін оқушы балаларға көшеде, демалыс орындарында, сауықтыру орындарында, дүкенде, кинотеатрларда жүруге болмайды. Кешкі мезгілде тек ата-аналарымен ғана жүруге рұқсат етіледі. Жазғы демалыс аяқталып келуде, балаланы сабаққа дайындап, мектепке бейімдеу үшін, сырта (ата-апасының, туысқандарында, әке-шешелерінің жанында)жүрген балаларды ауылға қайтару керектігін айтты. Өткен аптада «Түнгі қала» акциясы аясында рейдтік шаралар жүргізілген, оқу жылының басталуына орай бұндай шаралардың саны көбейтіледі. Жұмысқа тартылған білім алушылар анықталмады, дегенмен де түнгі жұмыс жасайтын сауықтыру орындарында мектеп оқушыларының жұмыс жасамағандығы абзал дегенді қосты.  Жаз мезгілінде де жол ережелерінің сақталуы тиіс екенін ата-ана үнемі балаға ескертіп отырған дұрыс. Мал бағатын фермалардағы ата-аналардың балалары ауылға келіп, мектепке дайындықты бастау керектігі айттылды.   Әсіресе толық емес отбасы балалары, бала жаздай әкеде немесе шешесінде болады, сондықтан да баланың жағдайын ескере отырып, оларды ертерек ауылға алып келіп, мектепке дайындығын бастай беру керек. Себебі көп ата-аналар тамыздың 30-31-не дейін жандарында ұстап, тақалғанда ауылға әкеледі. Ал, бала болса, бірден бейімделе алмайды. Жалпы балалар мектепке дайын ба? Кімде қандай өзекті мәселе болып тұр, осындай сұрақтармен жеке келіп жолығуға немесе сенім телефонына (87009529737) хабарласуға болтындығын ескертті.  

Сүйіндікова Маржан 7,9 сынып білім алушыларының ата-анасы

Қазіргі білімнің кезі сондықтанда балаға дұрыс білім алуына мектеп, жалпы мемлекет басты назарда ұстап жағдай жасауда. Енді сол жасалған жағдайды дұрыс пайдаланбай отырған өзіміз деп ойлаймын. Ата-ана баланың басты ұстазы екенін естен шығармау керекпіз деп аяқтады сөзін. Кешкі мезгілде балаларды көшеге түннің біраз уақытына дейін жүруіне өзі басым қарсымын. Көшеге жіберіп, рұқсат еткен ата-аналар бағанадан бергі айтып жатқан, бала алдындағы парыздарыңыз бен міндеттеріңізге жауапкершілікпен қарауларыңыз сұралады, деп өтінішшін білдірді.

Дубасова Дария 3-сынып білім алушының   анасы

Бүгінгі жиналыс ашық, еркін түрде өтілгеніне рахметін білдірді. Ата-аналардың өздерінің ой қосып отырғаны ұнағандығын айтты. Дегенмен де балаларға сабақ оқуына, есте сақтауына кері әсер ететін ол әрине телефон деп ойлаймын деді. Телефонды дұрыс, сауатты қолдануы бойынша үйретіп, ескертіп отырған абзал. Жалпы көлік құралдарын жүргізуге бей жай қарамай, назарға алынса деген ұсынысын жасады. Себебі ол жерде бала қауіпсіздігі ең бірінші орында дегенді қосты.

Шешімі:

2.1 Баланың  қауіпсіздігі үнемі назар ұсталсын.

Төрағасы                            А.Жаинбаева

    Хатшы                                И.Чинкисбаева

Оқу жылдары

Сыныптар

Білім алушылар

Білім сапасы

Жалпы

Қыздар

Жалпы

Қыздар

2018-2019

1-4

165

84

69

81

5-9

194

93

58

67

10-11

33

17

64

88

1-11

392

194

63

75

2019-2020

1-4

168

80

65

74

5-9

194

94

61

66

10-11

35

24

66

75

1-11

397

198

63

70

2020-2021

1-4

156

72

68

76

5-9

204

103

60

67

10-11

45

24

67

79

1-11

405

199

63

71

2021-2022

1-4

136/135

57/56

57,9

73,1

5-9

191/188

101/99

55,9

70,7

10-11

45/45

23/23

60

73,9

1-11

372/368

181/178

57,1

71,8