Қарашоқы орта мектебінің 10-сынып, «Жас сарбаздар» сыныбының білім алушыларымен ауған соғысының ардагерлері  Болибок Александр Анатольевич, Нусипбаев  Мұрат Қалтайұлы, Алтыбаев Сарыбай Нұрланұлы және Чернобыль АЭС апатын жоюға қатысқан ауыл тұрғыны Тулемисов Қайрат Бимуханбетұлының қатысуларымен  «Ауған жолдары мәңгі есімізде» атты ерлік сабағы өтілді. Сабақ барысында Ауғанстан соғысы тарихы туралы түсіндірдірілді. Ауған соғысында ерлікпен қаза тапқан жерлесіміз, ауылымыздың тумасы, батыр азамат Марат Нұрқасымұлы Боранбаевты және ауған соғысы кезінде қаза тапқан құрбандарымызды 1 минуттық   үнсіздікпен еске алынды. Мектеп кітапханашыларының дайындауымен «Ардагерлер арамызда» тақырыбындағы таныстырылымы көрсетіліп, кітап бұрышы ұйымдастырылды. Ардагерлеріміз білім алушылардың  қойған сұрақтарына жауап беріп, әскердегі достарына арналған альбомдарымен таныстырды. Ардагерлер  10-сынып білім алушыларымен бірлесіп, төрт топқа бөлініп «Қызық екен...» ойынына қатысып, білім алушыларға өздерінің білімдері және өмірлік тәжірибелерімен бөлісті. Сабақ соңы «Жас Ұлан» Жастар ұйымының дайындаған ән шашуларымен аяқталды.

Барлық атқарылған іс-шаралар әлеуметтік желілерге жарияланды.

Директордың тәрбие ісі жөніндегі орынбасары  А.Жаинбаева

 2021-2022 оқу жылының 1 жарты жылдығында атқарылған жұмыстар туралы ақпарат

           Аудандық білім бөлімінің 02.12.2016 жылғы №395 бұйрығының негізінде сыбайлас жемқорлыққа қарсы мәдениетті қалыптастыру мақсатында   мектепте іс-шаралар жоспары құрылып, бекітілді. 5-11 сынып оқушылар арасында «Адал Ұрпақ! Ерікті мектеп клубы» құрылды. Дәлізде  үнемі жаңартылып тұратын «Парасатты азамат» бұрышы ұйымдастырылған. 

       Топ мүшелерінің ұйымдастыруымен  «Жемқорлыққа жол жоқ» 1-5 сынып білім алушылары арасында сурет көрмесі өткізіліп, қорытындысы шығарылды. Мектепте «Сенім жәшігі», «Сенім телефоны» жұмыс жасайды. «Адал ұрпақ» ерікті мектеп клубының басшысы 10-сынып білім алушысы Д.Орынбасардың ұйымдастыруымен қараша айынан бері, білім алушыларды адалдыққа, адамгершілікке баулу мақсатында «Сенім» дүкені жұмыс жасайды. Дүкен сөресіне оқу құралдары  қойылған. Түсіндірме жұмыстарының нәтижелі жүргізілуінің арқасында дүкен жұмысы өз деңгейінде жүруде.

«Адал ұрпақ» аудандық слетінде «Құқықтық Қазақстан» әлеуметтік жобалар байқауына қатысып, жүлделі 2-орын иелендік. Білім алушылардың  адамгершілігі мен құқықтық мәдениетін жоғарлату бағытында «Адалдық сағаты» өткізілді.

         қу жылының 1-жарты жылдығы барысында мектепте мұғалімдер, білім алушылар арасында «Сыбайлас жемқорлық» фактілері анықталған жоқ.

«Жан жылуыңмен бөліс» әлеуметтік жобасын іске асыру барысында мектепте «Жылы жүрек» әлеуметтік жобасы жұмыс жасайды.

Жобаның мақсаты: Адамдар арасында қайырымдылықты, адамгершілік пен ізігілікті насихаттау арқылы, қоршаған ортаға қамқорлық жасай отырып,  волонтерлік қозғалысқа серпін беру. Жобада «Адал Ұрпақ» тобымен бірге педагогтар арасыннан құрылған еріктілер тобы бірігіп жұмыс атқарады. Жобаның бір жылдық жұмыс жоспары бар.  Жоба тек қана қамқорлық, қайырымдылық пен ғана шектелмей, өскелең ұрпаққа адалдық пен ізгілік, жомарттық сияқты қасиеттерді сіңіру мақсатында жұмыстар атқарады. Табиғатты аялау, оны қоқыстан тазарту мақсатында жылдың әр мезгілінде қол өнер  көрмелерінің өтілуіне ұйытқы болады. Осындай көрмелер ұйымдастыру арқылы өнерлі балаларды дәріптеу, «пайдасыз қалдықтарды» іске асыру, шығармашылықтарын арттыру көзделеді. Еріктілер үзіліс кезінде білім алушылардың қауіпсіздігін ескере отырып,  үлкен үзілісте   бос уақытты тиімді пайдалану мақсатында «Көңілді үзілістер» ұйымдастырады.   Яғни  апта бойы халық әндерін дәліздерге іліп, білім алушыларға  сөзін жаттауға мүмкіндік бере отырып, караокемен ән салу, әр буынның өзінің жас ерекшеліктерін ескере отырып, мультфильмдер, «Квест» ойыны, флешмоб және 8-11 сыныптар үшін «Махаббат» туралы өлеңді жатқа айту, дойбыдан чемпионат, спорттық жарыстар( ұл балалар гир тасын көтеру, қыз балалар секіртпемен секіру), «Сен өз құқығынды білесің бе?» атты викторина сұрақтары, «Ұнататынымды суретке саламын» атты сурет байқауы,  «Көңілді аққала» жасау жарыстарын ұйымдастырып отырамыз. Баланың бос уақытын тиімді пайдалану, құқықбұзушылықтың алдын алу мақсатында сыныптан тыс спорттық іс-шаралар мен  тақырыптық би кештерін ұйымдастырамыз.  Каникул кездерінде «Бір күндік» танымдық  сахаттарды жоспарлап, «Медеу» мұзайдынына, «Алматы аренаға» коньки тебуді әдетке айналдырдық.

Ауылдағы жалғыз басты қариялардың аулаларын тазалап, отын, көмірлерін кіргізуге көмек беріп, баталарын алып, өзімізбен бірге сыныптастарымыз бен  достарымызды да осы жұмысқа жұмылдыруды басшылыққа аламыз. 

Жаңа жылдық, «Балаларды қорғау күні» және тағы да басқа мерекелерде  үйде оқитын Хамит Миратты да ұмытпай сыйлығын апарып, көңілін көтеріп, қолдау көрсетеміз. 

Қазіргі кезде балалар арасында ысырап жасау да өте өзекті мәселе. Мысалыға, артық оқу құралдарын пайдасыз лақтыру, қажет емес ойыншықтар мен киімдерді шектен тыс алу қазіргі кезде өте көп белең алуда. Сондықтан да мектеп білім алушылары өздерінен артылған дәптерлер, қалам, қарындаштар, өшіргіштері, тіпті кейде жаңа киімдері мен  ойыншықтарын қорапқа  салып, бізге береді. Біз ол заттарды әлеуметтік топтағы отбасыларға сыйлық ретінде ұсынамыз. Кейде демеушілер арқылы «Адамдарға қуаныш сыйла!» акциясын ұйымдастыруға ұйытқы боламыз. Осындай іс-шаралар барысында тек ауылмен ғана шектелмей «Айналайын» балалар үйінде қонақта да болып қайттық.    Қайырымдылық пакеттері пандемия кезінде  де кейбір отбасыларға үлестірілді.  Қашықтықтан оқу кезінде білім алушылар арасында кездесетін кейбір өткір мәселелердің түйінің шешу мақсатында да «Адал Ұрпақ» ерікті топ мүшелері журналистік зерттеулер жасап, ауыл тұрғындарынан сұхбат алып, үгіт насихат жұмыстарын жүргізді.   Сонымен қатар 2020-2021 оқу жылында  көптеген «Адалдық сағаттар» онлайн жүргіліді. Оның көбі аудан  тарапынан  республика көлемінде жүрді. Жасөспірімге адалдық, адамгершілік, достық туралы өз ойымен бөлісуі  үшін ауыл тұрғыны, ауған соғысының ардагері М.Нусипбаевпен кездесу ұйымдастырылды. Адалдық сағаттарында достық, сенім арту, жалпыадамзаттық құндылықтар туралы айтылды.  Осы жұмыстармен бірге қазіргі заманнымызда үлкен қоғам дерті болып саналатын мәселенің бірі-жемқорлық туралы да үнемі үгіт-насихаттар жүргіземіз. Жемқорлық-мемлекетіміздің беделіне, демократиясына, ұлттық қауіпсіздігіне, экономикалық дамуына,   адам құқықтарының сақталуына үлкен қауіп төндіретін дерт. Бүгінгі таңда сыбайлас жемқорлықпен күрес барлық мемлекеттік органдар алдындағы басты міндеттің бірі болып  отыр. Кітапханада үнемі жаңартылып тұратын «Парасатты азамат» бұрышы ұйымдастырылған. Сынып жетекшілер  тәрбие жұмыс жоспарларында  «Адал ұрпақ» тақырыбында сынып сағаттары өтеді. Сыбайлас-жемқорлықпен күрес жүргізуді ерте жастан бастап, адалдыққа баулу арқылы іске асыру мақсатында түсіндірме жұмыстарын жүргізіп отыр керек.